今日睇返ck既呢句:
人生有好多場大大小小既賭博。你當然可以揀唔賭，但係除非你好知足啦，否則想贏你就要落注，落左注你就要接受有機會輸。願賭，你就一定要服輸。如果選擇唔賭既話，就要接受贏唔到大錢，唔好響度阿支阿左。
好多人見到人地屋企有錢, 就去羨慕, 會問: 有錢既點解唔係我? 其實...又睇唔睇到人地風光前的辛苦和血汗。係人都知, 打份工, 有幾多個會發達。做生意, 又有幾多人會成功。 即使有機會時, 你又敢唔敢去搏。肯搏, 算係比人行出多一大步, 但放手一搏之後, 同係大海漂浮冇咩分別, 有風有雨, 遇上難關, 你又捱唔捱得過。上唔上到岸, 真係睇主既安排同你既 努力。一棵樹有幾高, 根的深度亦會相約。想要出頭, 背地裡功夫邊有得少..少吃兩次虧少走兩條冤枉路已經偷笑。 風光可以俾人睇, 但苦真係冇人幫到你受。
3 則留言:
其實有錢同無錢，做人最重要快樂。
而主係會俾唔同人，唔同課題。
令人傷心，係人比此間傷害。
越重視，偏偏傷害最深。
又永遠唔知傷害有多深。
懂得傷心，因為重視。
同時又要識體諒，關心，互愛。
才能快樂。
仲有，如果一日到刻要嫉妒人地樹長得高。
不如諗下人地用咩辦法高，
花多點時間令自己棵樹高。
表面上人生係一場賭博，
但係賭博唔係靠運氣，
賭博係一場計算分析，心理戰，觀察力的東西。
簡單來說靠能力。
輸=能力不足
自己能力不足又有咩好怨？
風光可能真俾人睇，
不過同苦真正難能可貴，
除左夫妻、家人
仲有一齊創業的朋友，
俗語有句：可以共患難但不可共富貴。
能夠同甘共苦才是真正難得。
張貼留言